Иран согушка да, дипломатияга да даяр экенин билдирди

Ирандын тышкы иштер министринин орун басары Казем Гарибабади ишемби күнү Тегеран чыр-чатакты дипломатиялык жол менен чечүүгө да, согуштук аракеттерди кайра баштоого да даяр экенин билдирди.

"Иран өзүнүн улуттук кызыкчылыктарын жана коопсуздугун камсыз кылуу үчүн эки жолго тең даяр жана кандай болгон күндө да, ар дайым АКШга карата ишенбөөчүлүктү, ошондой эле дипломатияны жүргүзүүдөгү чынчылдыгын сактайт", - деп келтиришти анын сөзүн чет элдик басылмалар.

Гарибабади Иран жакында Тегеран менен Вашингтондун ортосунда ортомчу болуп иштеп жаткан Пакистанга чыр-чатакты токтотуу боюнча планын сунуштаганын, эми АКШ дипломатияны улантууну же тирешүү мамилесин улантууну тандашы керектигин айткан.