АКШнын Ормуз кысыгындагы миссиясы убактылуу токтотулганы кабарланды

АКШнын президенти Дональд Трамп Ормуз кысыгында кемелерди коштоо боюнча “Эркиндик долбоору” миссиясын убактылуу токтотконун жарыялады. Бул тууралуу чет элдик басылмалар жазышты.

Маалыматка ылайык, бул чечим Сауд Арабиясынын нааразычылыгынан кийин кабыл алынганы айтылууда. Сауд Арабиясы АКШга өзүнүн аскердик базаларын жана аба мейкиндигин бул операция үчүн колдонууга уруксат берүүдөн баш тарткан.

Маалыматка караганда, Эр-Рияд АКШнын “Принц Султан” базасынан учактардын чыгышына жана аймактагы операцияларга катышуусуна каршы чыккан. Сауд тарап АКШ миссия башталганын алдын ала билдирбей койгону үчүн нааразычылык билдирген.

NBC телеканалы америкалык расмийлерге таянып, бул чечим Перс булуңундагы союздаштардын ортосунда күтүүсүз чыңалуу жаратканын кабарлады.