Улуу Британияда хантавирус менен ооругандардын саны көбөйдү

Улуу Британиянын бийлиги жарандардын арасында хантавирус менен ооругандардын үчүнчү учурун тастыктады. Бул тууралуу өлкөнүн Саламаттыкты сактоо коопсуздук агенттиги билдиргенин чет элдик басылмалар жазышууда.

Маалыматка ылайык, жугуштуу ооруу Тристан-да-Кунья архипелагында жашаган бир адамдан табылган. Буга чейин дагы эки британ жаранында бул оору аныкталып, алар кеме аркылуу эвакуациялангандан кийин Нидерландда жана Түштүк Африкада дарыланып жатышат.

Ошондой эле Израилде да биринчи учур катталып, Чыгыш Европадан келген бейтаптан хантавирус табылган. Ал бир нече ай мурда ошол аймакта болгон жана учурда дарыгерлердин көзөмөлүндө.

Круиздик кемеде да оору жайылып, үч адам каза болгондугу кабарланды. Кеме Канар аралдарына багыт алып, ал жерде ооругандарга медициналык жардам көрсөтүлөрү айтылды.

Бүткүл дүйнөлүк саламаттык сактоо уюму хантавирус инфекциясы дүйнөлүк ден соолук үчүн олуттуу коркунуч жаратпайт деп билдирди.