Ош шаарында жазгы үч айлыктын алкагында штабдык жыйын өттү

Ош шаарында жазгы үч айлыктын алкагында кезектеги штабдык отурум өткөрүлдү. Бул тууралуу Ош мэриясынын маалыматтык камсыздоо бөлүмү билдирди.

Отурумда буга чейин уюштурулган ишембиликтердин жыйынтыгы талданып, тиешелүү мекеме-ишканалардын аткарган иштери боюнча маалыматтар угулду.

Ошондой эле 22-май күнү шаар аймагында жалпы республикалык ишембиликти уюшкандыкта өткөрүү пландалып жатканы белгиленди. Ага бардык мекеме-ишканалар, менчигинин түрүнө карабастан, активдүү катышууга чакырылды. Жооптуу жетекчилерге даярдык иштерин сапаттуу уюштуруу боюнча тапшырмалар берилди.

Мындан тышкары, жазгы үч айлыктын алкагында жашыл аймактарды кеңейтүү, бак-дарак жана гүл көчөттөрүн отургузуу иштерин улантуу милдети коюлду.