Унаанын айнеги талкаланып... Бишкекте мас абалда мушташкандар кармалышты

Бишкекте мушташышууга шектелип 27 жаштагы эки жаран кармалды. Бул тууралуу Ленин райондук милициясы билдирди.

Маалыматка ылайык, алар мас абалында болушкан. Аларды кармоо учурунда бирөөсү Кайгуул милициясынын кызматтык унаасынын арткы айнегин талкалаган.

Натыйжада алар милицияга жеткирилишип, бирине карата Укук бузуулар жөнүндө кодексинин 126-беренеси (Майда бейбаштык) боюнча протокол түзүлүп, убактылуу кармоочу жайга киргизилген. Экинчи жаран бейбаштыкка айыпталып, ага карата текшерүү иштери жүргүзүлүүдө.