Аксыда тамеки аткезчилиги менен алектенгендер аныкталды (видео)

Аксы районунда акциздик маркасы жок ири көлөмдөгү тамеки заттары аныкталды. Бул тууралуу Жалал-Абад облустук милициясы билдирди.

Маалым болгондой, район тургунунун мал сарайынан 33 таңгак тамеки табылып, алынды. Ошондой эле бир топ жаран мамлекеттик чек ара тилкесинде 50 таңгак тамекини мыйзамсыз өткөрүүгө аракет кылып жатып кармалышты. Алар жүктү өз ыктыяры менен өткөрүп беришти.

Бул факт боюнча Кылмыш-жаза кодексинин 231-беренесинин 3-бөлүгүнүн 4-пунктуна ылайык кылмыш иши козголду. Шектүүлөр убактылуу кармоочу жайга киргизилди.

Учурда кылмыш иши боюнча тергөө амалдары уланууда.