Ирандын 25 миллиард долларлык активдери кайтарылышы мүмкүн

АКШ менен Ирандын ортосундагы өз ара түшүнүшүү меморандумуна башка нерселер менен катар, Ирандын чет өлкөлөрдөгү 25 миллиард долларлык активдерин тоңдурууну алып салуу да кирет. Бул тууралуу The New York Times басылмасы булактарга шилтеме кылып жазды.

Маалыматта бирок ал АКШда же башка өлкөлөрдө тоңдурулган активдерге тиешелүүбү же жокпу, так айтылбаганы белгиленет. Басылманын маалыматы боюнча, меморандумда тараптар чечилбей калган негизги маселелер боюнча сүйлөшүүлөрдү 30 күндөн 60 күнгө чейин аякташы керектиги каралган. Мындай маселелердин бири - Ирандын өзөктүк программасы.