Молдова КМШдан чыгуу жол-жобосун баштады

Молдова КМШнын негизги келишимдеринен чыгуу жол-жобосун баштады. Бул тууралуу КМШнын башкы катчысы Сергей Лебедев билдиргендигин орусиялык басылмалар жазышты.

Анын айтымында, Молдова Көз карандысыз Мамлекеттер Шериктештигинин негизги келишимдеринен чыгуу тууралуу расмий билдирүүнү аткаруу комитетине жөнөткөн. Учурда тиешелүү процедура башталды, ал бир жылга созулат.

Ошол эле учурда Кишинев КМШ менен экономикалык кызматташтыкты сактап калууга кызыкдар экенин билдирген.

Буга чейин Молдованын президенти Майя Санду КМШны түзүү тууралуу келишимден, уставдан жана Алма-Ата декларациясынан чыгуу чечимин жактырган. Андан соң бул тууралуу КМШнын аткаруу комитетине расмий кабарланган.