Пакистан Трамптын Израил боюнча сунушун четке какты

Пакистан АКШнын президенти Дональд Трамп сунуштаган Израил менен мамилени нормалдаштыруу демилгесин четке какты.

Reuters агенттигинин маалыматына ылайык, Трамп Сауд Арабиясы, Катар, Пакистан, Түркия, Египет жана Иордания сыяктуу мамлекеттерди “Авраам келишимине” кошулууга чакырган. Бул аракет Иран менен болгон чыңалууну азайтуу жана ок атышууну токтотуу аракеттеринин алкагында көтөрүлгөн.

Бирок Пакистан бул сунушту ачык түрдө четке каккан жалгыз өлкө болду. Калган мамлекеттер азырынча расмий жооп бере элек.

Reuters агенттигинин пакистандык булагы: “Пакистан мындай талаптарды аткарууга милдеттүү эмес”,- деп билдирген.

Маалыматта белгиленгендей, Газадагы кырдаал жана коомдук пикирден улам көптөгөн мусулман өлкөлөрүнүн бул келишимге кошулуу ыктымалдыгы төмөн бойдон калууда.