Астанада Путин менен Токаев сүйлөшүүлөрдү өткөрдү

Орусиянын президенти Владимир Путин Казакстандын президенти Касым-Жомарт Токаев менен эл аралык актуалдуу маселелерди талкуулаганын билдирди. Бул тууралуу РИА Новости басылмасы жазды.

Орусия лидери Астанага 27-майда мамлекеттик сапар менен келген.

"Биз саясат, экономика жана маданий-гуманитардык чөйрөлөрдө эки тараптуу кызматташуунун негизги маселелерин кылдат талкууладык. Ошондой эле учурдагы эл аралык маселелерге токтолдук",- деген орус лидери.

Бүгүн эки өлкөнүн башчылары тар жана кеңейтилген чөйрөдө сүйлөшүүлөрдү өткөрүштү. Андан соң лидерлер Орусия менен Казакстандын элинин достугу жана коңшулаш мамилелеринин жети негизги принциптери тууралуу биргелешкен билдирүүгө кол коюшту.