Амирчик Каракол шаарында майрамдык маанай тартуулады  

Эл арасында чоң сүймөнчүлүккө ээ болгон жаш ырчы Амирчик Эл аралык балдарды коргоо күнүнө карата Каракол шаарында болуп, жергиликтүү тургундарга өзгөчө майрамдык маанай тартуулады.

Иш-чаранын алкагында ырчы өзүнүн белгилүү чыгармаларын аткарып, балдар жана шаар тургундары менен жылуу атмосферада жолугушту. Концертке келгендердин айтымында, бул кеч шаар үчүн эстен кеткис маданий белек болду.

Майрамдык иш-чара балдардын көңүлүн көтөрүп, Каракол шаарында өзгөчө шаң жаратты.