Депутат төкмө акындардын музейин ачууну сунуштады

Жогорку Кеңештин депутаты Медер Чотонов төкмө акындардын музейин ачууну сунуштады.

Эл өкүлү парламенттин 3-июндагы жыйынында ал музейге Кыргыз Эл акыны Элмирбек Иманалиев түптөгөн төкмөлөрдүн мектеби жайгаштырылышы керектигин белгиледи.

"Акындык өнөрдү өнүктүрүү үчүн ар бир облуста жыл сайын айтыш өткөрүп туруу керек. Канчалык айтыштар көп өткөрүлсө, ошончолук кыргыз тилинин кооздугу даңазаланып, тилибиздин өнүгүшүнө салым болот",- деди Чотонов.