Садыр Жапаров жаш футболчу менен жолугушту (сүрөт)

Президент Садыр Жапаров 6-июнда Кыргызстан менен Палестинанын курама командаларынын жолдоштук беттеши алдында 11 жаштагы футболчу Нурсейит Абдыев жана анын апасы Рыскул Ашырапкулова менен жолугушту.

Нурсейит Абдыев Бишкекте жашайт, №60 орто мектебинде окуйт. "Дордой" клубунун балдар командасында машыгып, футбол менен активдүү алектенет, ошол эле учурда сүрөт тартууга да кызыгат.

Апасынын айтымында, Нурсейит бул жолугушууну үч жыл күткөн жана президент менен сүйлөшүп жатканда абдан толкунданып турду.

Президент жаш футболчуга белектерди тапшырып, окуудагы жана спорттогу ийгиликтерди каалады.