Президент экономика министрин атайын өкүл кылып дайындады

Экономика министри Бакыт Сыдыков президенттин санкциялык саясат боюнча атайын өкүлү болуп дайындалды. Тиешелүү жарлыкка өлкө башчы Садыр Жапаров кол койду.

Жарлыкта ал жыл аягына чейин министрлер кабинетинин төрагасынын орун басары кызматын да аркалай турганы жазылган. Эми Сыдыков эл аралык сүйлөшүүлөрдө өлкөнүн кызыкчылыгын коргоп, санкциялык чектөөлөрдүн алдын алуу тармагында иш алып барат.