Алтынбек Максүтов Көчмөндөр оюндарына QR-код киргизилерин айтты

VI Дүйнөлүк көчмөндөр оюндарында маданий программалар мурункуларга салыштырмалуу 10 эсе көп болот. Бул тууралуу VI Дүйнөлүк көчмөндөр оюндарынын башкы режиссёру Алтынбек Максүтов "Биринчи радиого" курган маегинде билдирди.

Анын айтымында, Бишкекте бир, Ысык-Көлдө 6 локация болот. 570тен ашык маданий программа 6 күн коюлат.

"Биринчи Курманжан датка музейинен башталат. Анан "Рух Ордодо", Чолпон-Атадагы ат майданда, Кырчында болот",- деди ал.

Боло турган маданий программалардын так убактысын QR-код аркылуу көрүү мүмкүнчүлүгү түзүлөрү кошумчаланды.