Кремль Иран жаңжалындагы тараптарды сүйлөшүүгө чакырды

Кремль Ирандагы жаңжалдын катышуучуларын кайрадан сүйлөшүү жолуна кайтууга үндөдү. Бул тууралуу Орусия президентинин басма сөз катчысы Дмитрий Песков билдиргендигин чет элдик басылмалар жазышты.

Анын айтымында, кырдаалды жөнгө салуунун эң туура жолу - дипломатиялык сүйлөшүүлөрдү улантуу жана чыңалууну күчөтпөө.

Буга чейин АКШ президенти Дональд Трамп Тегеранды сүйлөшүүлөрдү создуктурууда деп айыптап, Иранга каршы ири масштабдагы аскердик операция жүргүзүлөрүн билдирген. Пентагондун Борбордук командачылыгы АКШ күчтөрү Ирандагы буталарга сокку урууну баштаганын маалымдаган. Өз кезегинде Тегеран АКШнын аскердик базаларына жооп иретинде сокку урган.

Кремль тараптарды чыңалууну күчөтпөөгө жана маселени саясий-дипломатиялык жол менен чечүүгө чакырууда.