Катарда заводдогу жарылуудан 54 адам жабыркады (видео)

Катардагы Рас-Лаффан заводундагы жарылуудан 54 адам жабыркап, дагы 18 адам дайынсыз болууда. Бул тууралуу чет элдик басылмалар өлкөнүн Ички иштер министрлигине таянып жазышууда.

Жарылуу 21-июнда катталып, ага техникалык мүчүлүштүк себеп болгону айтылууда. Учурда дайынсыз жоголгондорду издөө-куткаруу иштери уланууда.

Рас-Лаффан дүйнөдөгү суюлтулган жаратылыш газын өндүргөн эң ири өнөр жай борбору болуп саналат. Комплекс мамлекеттик Qatar Energy мунай-газ корпорациясына таандык. Бул комплекс дүйнөлүк суюлтулган жаратылыш газынын болжол менен 20 пайызын камсыздайт.