Париждеги Эйфел мунарасына чагылган түштү (видео)

Парижде катуу жааган жамгыр учурунда чагылган Эйфел мунарасынын чокусуна түштү. Бул тууралуу BFMTV телеканалы билдирди.

Маалыматка караганда, Франциянын Торнадо жана катуу чагылгандарды байкоочу башкармалыгы өлкө боюнча 13 миңден ашык чагылган түшкөнүн каттаган. Бул акыркы күндөрдө катталган эң күчтүү аба ырайынын кубулуштарынын бири болуп калды.

Адистер мындай табигый көрүнүштөр учурунда имараттардын коопсуздугу жогору экенин белгилешип, Эйфел мунарасы сыяктуу бийик курулуштар чагылгандан коргоочу атайын системдер менен жабдылганын эскертишти.