Ошто өспүрүм жумуш учурунда кырсыктап каза тапканы айтылды

Ошто өспүрүм жумуш учурунда кырсыктап каза болгонун Акыйкатчы институту билдирди.

Маалыматта белгиленгендей, өспүрүм калаадагы Токтогул сейил багындагы кафелердин биринде иштеп жаткан. Кырсык видеого түшүп калган. Анда бала кафенин темир чатырын кармагандан кийин жерге кулап түшкөнү тартылган. Алдын ала маалымат боюнча, өспүрүмдү ток урган.

Ош шаардык милициясы учурда тергөөгө чейинки текшерүү жүрүп жатканын жана бардык зарыл экспертизалар дайындалганын маалымдады.