Панфилов РЭТинин башчысы ири өлчөмдө пара алып жаткан жеринен кармалды

УКМК Чүй электр тармактары ишканасындагы коррупциялык схеманы аныктаганын билдирди.

Маалыматка ылайык, кызмат адамдары электр энергиясын эсепке алуу жабдыктарын айланып өтүп, улуттук электр тармагына мыйзамсыз кошуу үчүн жарандардан системдүү түрдө акча талап кылып келишкен.

6-июлда Кылмыш-жаза кодексинин 342-беренесинин 2-бөлүгү (Пара алуу) боюнча козголгон кылмыш ишинин алкагында Панфилов РЭТинин башчысы Т.У. өзгөчө ири өлчөмдө пара алып жаткан жеринен кармалды. Шектүү убактылуу кармоочу жайга киргизилди.

Тергөө уланууда.