Трамп Европада Patriot ракеталарын тейлөө борбору түзүлөрүн жарыялады

АКШнын президенти Дональд Трамп америкалык Lockheed Martin компаниясы Европада Patriot абадан коргонуу ракеталык системаларын тейлөө боюнча борбор түзөрүн билдирди. Бул тууралуу чет элдик басылмалар жазышты.

Анын айтымында, бул чечим Анкарада өткөн саммитте жарыяланган 3 миллиард долларлык жаңы коргонуу инвестицияларынын алкагында кабыл алынды.

“Бүгүнкү саммитте америкалык компаниялардын катышуусунда 3 миллиард долларлык жаңы коргонуу инвестицияларын жарыяладык. Lockheed Martin Европада Patriot комплекстерин тейлөө борборун түзөт. Бул Европа үчүн чоң окуя”, - деди Трамп маалымат жыйынында.

Ошондой эле Трамп Европа бул демилгени ишке ашыруу үчүн күчтүү шарттарды түзгөнүн белгилеп, бул АКШ үчүн да, Европа үчүн да пайдалуу экенин айтты.

Мындан тышкары:

Northrop Grumman компаниясы учкучсуз учуучу аппараттар боюнча алдыңкы америкалык технологияларды сатуу келишиминин үстүндө ишин улантууда. Lockheed Martin менен Rheinmetall компаниялары ATACMS ракеталык системаларын өндүрүү боюнча өнөктөштүк түзгөнүн жарыялашты. Ал эми Anduril Industries Польша үчүн жаңы Barracuda канаттуу ракеталарын чыгаруу боюнча келишим түздү.