Венесуэла бийлиги жер титирөөнүн зыяны боюнча маалымат берди

Венесуэлада 24-июнда катталган жер титирөөлөрдө каза болгон жарандардын саны 3 миң 811 адамды түздү. Бул тууралуу чет элдик басылмалар Улуттук ассамблеясынын төрагасы Хорхе Родригеске таянып жазышты.

Родригестин айтымында, жаратылыш кырсыгынан 16 миң 740 адам жаракат алган. 190 имарат толук кыйрап, 856 курулуш объекти олуттуу зыянга учураган. Издөө-куткаруу иштеринин алкагында 6 миң 462 адам куткарылган. Жалпы 27 миң 398 адам медициналык жардам алган. 86 миң 749 үй-бүлөгө жардам көрсөтүлүп, жабыркагандарга 9 миң 603 тонна азык-түлүк берилген.

Эске салсак, 24-июнда Венесуэлада күчү 7,2 жана 7,5 баллга жеткен эки жер титирөө катталган. Андан кийин 700дөн ашуун афтершок (кайталанган жер титирөөлөр) болгон.

Эң чоң кыйроолор Ла-Гуайра шаарында, ошондой эле Миранда, Арагуа, Карабобо, Лара жана Яракуй штаттарында катталган.