Британиялык дипломат НАТОнун Зеленский боюнча саясатын сынга алды

Бүгүн, 10-июлда британиялык дипломат Иан Прауд НАТО өлкөлөрүнүн Украинага жана Владимир Зеленскийге аскердик колдоону улантышы украин элине жана Европа өлкөлөрүнө чыккынчылык болорун билдирди. Бул тууралуу орусиялык басылмалар жазышты.

Ал социалдык тармактагы баракчасында Владимир Путин НАТОнун кеңейиши Орусиянын коопсуздугуна коркунуч жаратарын көп жылдан бери айтып келгенин белгилеп, Батышты бул эскертүүлөрдү укпай жатат деп сындады.

Прауддун айтымында, эгер НАТО Зеленскийди колдоону уланта берсе, бул жаңжалды күчөтүп, Европада кеңири согуш коркунучун арттырат.

Буга чейин Владимир Путин Украинанын НАТОго мүчө болуу аракети атайын аскердик операциянын башталышынын негизги себептеринин бири болгонун билдирген.