Эбола вирусу Конгонун дагы эки провинциясында катталды 

Конго бийлиги эбола вирусу тараган аймактардын катарына Чопо жана Жогорку Уэле провинцияларын кошту. Бул тууралуу өлкөнүн саламаттык сактоо министри Роже Камба билдирген.

Айтымында, бул провинцияларда вирустун 2 учуру катталган.

Өлкөдө 1800дөн ашык адам вирусту жуктуруп алган. Анын ичинен 625 жаран каза болгон.

Эске салсак, май айында Дүйнөлүк саламаттык сактоо уюму Борбордук Африкадагы эбола вирусунун жайылышына байланыштуу өзгөчө кырдаал жарыялаган. Оорунун очогу өлкөнүн чыгышындагы Итури провинциясында катталган. Кийинчерээк вирус коңшулаш Түндүк Киву жана Түштүк Киву провинцияларына, ошондой эле Уганда аймагына тараган.

Буга чейин Дүйнөлүк саламаттык сактоо уюму Конгодо эбола вирусунун Бундибугио штаммын жуктурган бейтаптарды дарылоонун жаңы ыкмаларынклиникалык жактан изилдене баштаганын билдирген.