АКШнын Ирандын түштүгүнө жасаган соккуларынан 30 кайык жок кылынды

Ирандын түштүгүндөгү Бендер-Аббас шаарында АКШнын соккуларынын кесепетинен эки күн ичинде кеминде 30 балыкчы кайыгы жок кылынганын Tasnim маалымат агенттиги жергиликтүү балыкчылар кооперативине шилтеме берүү менен жазды.

Маалыматка ылайык, 8-9-июлда АКШ армиясынын эки снаряды Бендер-Аббас портундагы пирске тийип, анын кесепетинен ондогон балыкчы кайыктары жараксыз абалга келген.

8-9-июль күндөрү АКШ Ирандын аймагына бир катар күчтүү соккуларды жасаган. АКШнын Борбордук командачылыгы бул аракеттерди Ирандын Ормуз кысыгы аркылуу өткөн коммерциялык кемелерге каршы аракеттерине жооп катары түшүндүргөн.

Өз кезегинде Иран АКШнын Кувейт, Бахрейн жана Иорданиядагы аскердик базаларына сокку урганын билдирген.

Бул окуя июнь айынын ортосунда согуштук аракеттерди токтотуу боюнча меморандумга кол коюлгандан кийинки Иран менен АКШнын ортосундагы чыңалуунун экинчи учуру катары бааланууда. Ошондой эле АКШнын президенти Дональд Трамп ок атышууну токтотуу режими мындан ары күчүндө эмес экенин билдирген.