Иран Израилди АКШнын соккуларына кошулбоого чакырды

Иран Израилди АКШнын мүмкүн болгон аскердик соккуларына кошулуудан карманууга чакырды. Бул тууралуу чет элдик басылмалар жазышты.

Өлкөнүн инфраструктурасына жасалган ар кандай чабуулга ушундай эле жооп кайтарыларын Ирандын Улуттук коопсуздук боюнча жогорку кеңешинин катчысы Мохаммад-Багер Зольгадр билдирди.

Буга чейин Израилдин бийлиги өлкөнүн Коргоо армиясы (ЦАХАЛ) толук күжүрмөн даярдыкка келтирилгенин маалымдаган. Ал эми New York Post басылмасы Израил АКШ менен биргеликте Иранга жаңы соккуларды урууга даяр экенин жазган.

«Ирандын инфраструктурасына жасалган ар кандай чабуулга дал ошондой жооп берилет. Израил да жооп чараларынан четте калбайт», — деп айтылат Ирандын Улуттук коопсуздук боюнча жогорку кеңешинин билдирүүсүндө. Бул тууралуу Fars маалымат агенттиги кабарлады.