Трамп: “Мага бир нерсе болсо, Иранга болуп көрбөгөндөй сокку урууга буйрук бердим”

АКШнын президенти Дональд Трамп эгер өзүнө кандайдыр бир кол салуу же кырсык болсо, Иранга болуп көрбөгөндөй күч менен сокку урууга алдын ала буйрук бергенин билдирди. Бул тууралуу чет элдик басылмалар жазышты.

Буга чейин The Wall Street Journal басылмасы Израил АКШга Иран тарап Трампка кол салууну пландап жатканы тууралуу чалгын маалыматтарын бөлүшкөнүн жазган. Бирок Ирандын Орусиядагы элчиси Казем Жалали март айында мындай маалыматтарды четке кагып, Тегеран Трампка кол салууну даярдаган деген дооматтарды төгүндөгөн.

“Эгер мага бир нерсе болсо, аларды мурда болуп көрбөгөндөй күч менен бомбалоо боюнча көрсөтмө калтырдым”, — деген Трамп New York Post басылмасына берген маегинде.