Венесуэлада жер титирөөдөн каза болгондордун саны 4561 адамга жетти

Венесуэлада күчтүү жер титирөөнүн кесепетинен каза болгондордун саны 4 561 адамга жетти. Бул тууралуу өлкөнүн Улуттук ассамблеясынын төрагасы Хорхе Родригес социалдык тармактагы баракчасына билдирди.

Анын айтымында, каза болгондордун саны дагы 71 адамга көбөйгөн. Ал эми жабыркагандардын саны 16 миң 740 адамга жеткен. Учурда 128 миңден ашуун үй-бүлөгө гуманитардык жардам көрсөтүлүп, жабыркаган аймактарда 107 убактылуу чатыр лагерлери иштеп жатат.

Алдын ала жүргүзүлгөн баалоонун негизинде Венесуэла өкмөтү кырсыктан жабыркагандар үчүн болжол менен 25 миң жаңы турак үй куруу зарыл деп эсептөөдө. БУУнун Өнүктүрүү программасы (UNDP) 26-июнда жер титирөөлөрдөн келтирилген түз материалдык чыгымды 6,7 миллиард доллар деп баалаган.

Учурда өлкөдө издөө-куткаруу иштери уланууда.