Манаста жаштарга жаңы спорт зал курулууда (видео)

Кечээ, 23-июлда Манас шаарына караштуу Котур-Каман айылында курулуп жаткан заманбап спорт залдагы иштердин жүрүшү тууралуу маалымат берилди. Бул тууралуу Манас мэриясынын маалымат борбору маалымдады.

Маалым болгондой, учурда курулуштун 70 пайыздан ашыгы бүткөрүлүп, жаштардын спорт менен машыгуусу үчүн бардык шарттар түзүлүүдө.

"Долбоор жергиликтүү бюджеттин эсебинен каржыланып, анын жалпы наркы 21 миллион 792 миң сомду түзөт. Курулуш толугу менен аяктагандан кийин спорт зал жергиликтүү тургундардын пайдалануусуна берилет",- деп белгиленди маалыматта.