Иран Украинага жооп кайтарарын эскертти

Бүгүн, 27-июлда Иран парламентинин Улуттук коопсуздук боюнча комиссиясынын төрагасы Ибрагим Азизи Украина Ирандын соода кемесине жасалган чабуул үчүн жоопко тартылышы мүмкүн экенин билдирди. Бул тууралуу чет өлкөлүк басылмалар жазып чыгышты.

Азизи: "Иранга жасалган ар кандай чабуул дайыма кымбатка турат жана бул азыр да актуалдуу. АКШ менен Израил муну жакшы билет. Украина да жакын арада Иран эч бир аракетти жоопсуз калтырбай турганын түшүнүшү мүмкүн. Туура эмес эсептегендердин тизмеси өсүп жатат!"- деген билдирүүсүн өзүнүн социалдык тармактагы баракчасына жазган.

Ирандын Тышкы иштер министрлигинин маалыматына караганда, 25-июлда Каспий деңизинде Ирандын соода кемесине Украина тарабынан жасалган соккудан бир адам каза болуп, дагы бир адам жаракат алган. Тегеран бул окуяны эл аралык укуктун бузулушу деп атап, жаңжалдын курчушуна Киевди айыптаган.

Украинанын президенти Владимир Зеленский да чабуул болгонун тастыктаган.