Инфантино Дүйнө чемпиондугунун сынчыларына жооп берди

Кечээ, 26-июлда ФИФАнын президенти Жанни Инфантино 2026-жылкы Дүйнө чемпиондугуна айтылган сын-пикирлерге Instagram баракчасында жооп берди. Бул тууралуу чет элдик маалымат каражаттары билдиришти.

Инфантино сынчылар чемпиондукка болгон жек көрүү жана сын менен алек болуп, турнирдин жакшы жактарын байкабай калганын айтты.

"Силердин жек көрүү жана сын менен ушунчалык алек болуп, баарын өткөрүп жибергениңер өкүндүрөт. Убактысын жана күчүн жек көрүүгө короткондордун баарына айтарым: медитация кылгыла, сыйынгыла, жылмайгыла, жакындарыңар менен убакыт өткөргүлө же футболдук беттеш көргүлө. Сын жана жалган ушактарды тараткандарга айтарым: силер үйдө отурганда, биз алдыңкы сапта иштеп, дүйнөдөгү эң мыкты шоуну уюштурууга болгон күчүбүздү жумшадык. Бизде зордук-зомбулук болгон жок. 100 пайыз коопсуздук, кубаныч жана бакыт!",- деп жазды ФИФА президенти.

Белгилей кетсек, 2026-жылкы Дүйнө чемпиондугу АКШ, Канада жана Мексикада өтүп, финалда Испания Аргентинаны 1:0 эсебинде жеңип, чемпион болгон.