Кундуздар миграциясы: Эмне үчүн украиналык кундуздар Польшага кетип жатышат?

Бүгүн, 27-июлда Польшанын зоологу Вероника Нарбут Украина менен чектеш аймактардагы кундуздар Польшага активдүү көчүп жатканын билдирди. Бул тууралуу орусиялык басылмалар жазышты.

Анын айтымында, буга Польшадагы жашоо шарттарынын жакшырышы жана кундуздарга аңчылык кылууга коюлган катуу чектөөлөр себеп болууда.

"Польшанын чек ара аймактарында жана Украинада кундуздардын ири популяциялары бар. Бирок Польшада кундуздарга байланыштуу көйгөйлөр Украинага караганда кыйла көп",- деди Нарбут.

Польшада кундуздар катуу коргоодо болсо, Украинада алар аңчылык кылууга уруксат берилген жаныбарлардын катарына кирет. Мындан тышкары, Польшанын айыл чарбасынын өнүккөндүгү да кундуздар үчүн жагымдуу шарт түзөт.

Ошондуктан адистердин айтымында, бул "качуу" эмес, жаныбарлардын жашоого ыңгайлуу аймактарга табигый миграциясы.