АКШ Иран менен согушта канча аскеринен айрылды?

Иранга каршы аскердик операциялар учурунда жаракат алган АКШ аскер кызматкерлеринин саны 600дөн ашты.

АКШнын Коргоо министрлигинин маалыматына караганда, 624 аскер кызматкери ар кандай оордуктагы жаракаттарды алышкан. Алардын көпчүлүгү, тагыраагы, 461и АКШ армиясынын мүчөлөрү. Каза болгондордун саны 18.

Жарадар болгондордун саны өткөн аптада катталгандан (482ден) бир топ ашып кетти. Себеби, Пентагон Иранга каршы аскердик операцияларга байланыштуу жоготууларды эки категорияга бөлгөн. Тагыраагы, 28-февралда башталган операцияны өзүнчө, ал эми 7-июлда башталган операцияларды өзүнчө кылып.

Натыйжада, биринчи согуштук операция учурунда 417 кызматкер жаракат алып, 14 адам каза болгон. Ал эми экинчисинде 207 адам жаракат алып, 4 аскер каза болгону көрсөтүлөт.