Иран АКШнын Иорданиядагы базасына сокку урду

Иран Иорданиядагы АКШнын аскердик базасына баллистикалык ракеталарды учурду. Бул тууралуу "Axios" порталы ишенимдүү булактарына таянып билдирди.

Кийинчерээк АКШнын Куралдуу күчтөрүнүн Борбордук командачылыгы X социалдык тармагындагы баракчасында аскерлер ракеталарды тосуп калганын маалымдады.

"Иран Жакынкы Чыгыштагы АКШ күчтөрүнө күтүүсүз чабуул жасоого аракет кылды. Иран тарабынан учурулган бардык ракеталар ийгиликтүү тосуп алынды",- деп айтылат билдирүүдө

Эске салсак, 18-июнда Иран менен АКШ аралыктан өз ара түшүнүшүү жөнүндө меморандумга кол коюшкан. Документте 28-февралда башталган аскердик жаңжалды токтотуу каралган. Ошондой эле меморандум АКШнын деңиз блокадасын алып салуу жана Ирандын Ормуз кысыгы аркылуу кеме каттамын калыбына келтирүү мөөнөттөрүн аныктамак.

Бирок июнь айынын аягында АКШ менен Иран бири-бирине маал-маалы менен сокку уруп, аймакта чыңалуу кайра күчөгөн.