Кооз кадр тартам деген операторду атчан адам күтүүсүз сүзүп кетти

Оператор өтүп бара жаткан аттарды видеого тартып, кооз кадрды кармоого аракет кылган. Бирок күтүүсүздөн аттардын бири минген адамы менен түз эле камера кармап турган кишини көздөй бет алган.

Кыязы, атчан адам операторду байкабай калган. Натыйжада ал бара жатып операторду сүзүп кеткен.

Кооз кадр тартуу аракети күтүүсүз кырсык менен аяктаган. Видеодон окуянын капыстан болгонун көрүүгө болот.

Окуя өлкөнүн кайсы аймагында болгону азырынча белгисиз.