Кыргызстандыктар 13-августта асмандагы сейрек көрүнүшкө күбө болушат

Бүгүн, 11-августта астрономдор асмандагы эң кооз көрүнүштөрдүн бири - Персеиддердин жылдыз жаашын байкоого мүмкүнчүлүк түзүлөрүн чет өлкөлүк маалымат каражаттарына кабарлашты.

Анын эң жогорку чеги 12-августтан 13-августка караган түнү болот. Кыргызстан убактысы боюнча Персеиддердин максималдуу активдүүлүгү 13-августта саат 08:00дө күтүлүүдө. Асман ачык болсо, бир саатта 100гө чейин метеорду көрүүгө мүмкүнчүлүк болот.

Бирок жылдыз жаашын байкоо үчүн так ушул убакытты күтүү шарт эмес. Метеор агымынын активдүүлүгү 3-4 күн жогору бойдон сакталат.

Персеиддер Жер 109P/Свифт-Таттл кометасынын артында калган чаң бөлүкчөлөрүнүн арасынан өткөндө пайда болот. Бул бөлүкчөлөр атмосферага чоң ылдамдыкта кирип, күйүп жатканда асманда жарык сызыктарды пайда кылат. Эл арасында бул көрүнүш "аккан жылдыздар" деп аталат.

Аталган комета Күндү болжол менен 134 жылда бир айланып чыгат. Анын Жерге кийинки жакындоосу 2126-жылдын 12-июлунда күтүлүүдө.