Ысык-Көлдүн түбүнөн байыркы имараттын дубалдары табылды (видео)

Бүгүн, 11-августта Ысык-Көлдүн түбүнөн кылымдар бою суу алдында жаткан байыркы имараттын кыштан тургузулган дубалдары табылды. Бул тууралуу экодайвер Бекжан Кубанычбек уулу билдирди.

Анын айтымында, табылга жапон изилдөөчүлөрү менен биргеликте жүргүзүлгөн экспедициянын жүрүшүндө аныкталган.

"Кылымдар бою Ысык-Көлдүн түбүндө жашырынган тарыхка өз көзүм менен күбө болуп, ага түзмө-түз кол тийгизүү мен үчүн өзгөчө сезим болду. Биздин көл дагы далай сырларын ачышы керек", - деп жазган ал соцтармактагы баракчасына.

Табылган курулуштун так кайсы мезгилге таандык экени жана анын тарыхый мааниси азырынча тактала элек.