Британияда бейтаптардын клеткаларынан адамдын кичи-органдары өстүрүлөт

Улуу Британияда окумуштуулар Улуттук саламаттык сактоо кызматынын бейтаптарынан алынган клеткалардын негизинде адамдын миниатюралык органдарын жана башка ткандарды өстүрүүнү пландап жатышат. Бул тууралуу чет элдик басылмалар жазып чыгышты.

Долбоор Кембридждеги изилдөө борборунда ишке ашырылып, Медициналык изилдөөлөр кеңешинен 20 миллион фунт стерлинг каржылык колдоо алган. Анын алкагында окумуштуулар органоиддердин атайын китепканасын түзүп, аны илимий мекемелерге жана фармацевтикалык компанияларга жеткиликтүү кылууну көздөшүүдө.

Алгач изилдөөчүлөр ичеги-карын ооруларын моделдөөгө көңүл бурушат. Кийинчерээк рак ооруларын изилдөө үчүн шишик ткандарын, неврологиялык ооруларды изилдөө үчүн мээ органоиддерин жана жүрөктүн согуп турган клеткаларын өстүрүү пландалууда.

Долбоор Улуу Британиянын мурдагы премьер-министри Кир Стармердин өкмөтү баштаган илимий изилдөөлөрдө жаныбарларды колдонууну акырындап азайтуу стратегиясынын бир бөлүгү болуп саналат. Буга чейин жаныбарларда ийгиликтүү деп табылган дары-дармектердин 90 пайыздан ашыгы адам катышкан клиникалык сыноолордо ийгиликсиз болгон.