"Бишкек Аренада" Көчмөндөр оюндарынын ачылышына даярдык кызуу жүрүүдө (видео)

"Бишкек Аренада" өтө турган VI Дүйнөлүк көчмөндөр оюндарынын ачылыш аземине карата даярдыктар кызуу жүрүп жатат. Учурда стадиондун аймагында атайын сахналар жана декорациялар орнотулуп, ачылыш аземине карата жасалгалоо иштери жүргүзүлүүдө.

Иш-чарага катышкан коноктор үчүн масштабдуу шоу даярдалып жатат. Билеттер да сатууга чыгып, 5 миңден 9 миң сомго чейин болууда.

Эскерте кетсек, "Бишкек Арена" стадионунун расмий ачылышы сентябрь айында өтөт. Учурда аренада акыркы даярдык иштери жүргүзүлүп, алдыдагы ири спорттук жана маданий иш-чараларды өткөрүүгө камылга көрүлүүдө.