Бишкекте саммит жана Көчмөндөр оюндарына байланыштуу базарлар, соода түйүндөр жабылат

Кечээ, 18-августта Бишкек мэриясында ШКУ саммитине, VI Дүйнөлүк көчмөндөр оюндарына жана Эгемендүүлүк күнүнө карата коопсуздук чараларды камсыз кылуу боюнча Координациялык комиссиянын жыйыны өттү.

Мэрия билдиргендей, маанилүү чечимдердин бири 31-август жана 1-сентябрда расмий делегациялар өтүүчү аймактардагы айрым соода борборлорунун ишин убактылуу токтотулат. Ошондой эле айрым базарлар жабылып, 29-августтан тарта бир катар жер алдындагы өтмөктөргө чектөө киргизилет.

- 2026-жылдын 31-августу жана 1-сентябрында расмий делегациялардын жүрүү маршруттарында жайгашкан соода борборлорунун ишин убактылуу токтотуу: ГУМ «Чынар», ЦУМ «Айчүрөк», «Бишкек Парк», «Азия Молл», «Ала-Арча», «VEFA Центр», «Дом торговли», «Гоин», «Beta Stores 1», «Беш Сары Сити»;

- 31-августта (санитардык күн), ошондой эле 1 жана 2-сентябрда «Ош базары» жана «Сары-Өзөн» базарларынын жана соода объектилеринин ишин убактылуу токтотуу; 31-августта жана 1-сентябрда «Орто-Сай» базарынын ишин убактылуу токтотуу;

-29-августта саат 15:00дөн баштап төмөнкү даректердеги жер астындагы жөө жүргүнчүлөр өтүүчү жолдор жабуу: Ч.Айтматов проспектиси жана М.Горький көчөсү, Чүй проспектиси жана Манас проспектиси (азыркы Ч.Айтматов проспектиси), Манас айылы - Васильев тракты (азыркы Манас көчөсү), Чүй проспектиси жана Абдрахманов көчөсү (Old Bishkek).

Көчмөндөр оюндарынын ачылышына келгендер үчүн шаар боюнча 21 багытта шаттл-автобустар уюштурулат. 12 фан-зонада коопсуздук күчөтүлүп, коомдук транспорт кадимки режимде иштейт.

Мындан тышкары, шаардык коммуналдык кызматтар күчөтүлгөн тартипте иштеп, мектептердин айланасында окуучулардын коопсуздугуна өзгөчө көңүл бурулат.