Манас айтуудан кайсы абактын соттолуучулары мыктылыгын көрсөтүштү?

Жазаларды аткаруу мамлекеттик кызматы түзөтүү мекемелеринде манас айтуу кароо сынагы өткөрүлгөнүн кабарлады.

Маалыматта сынактын жүрүшү 2 айга созулганы айтылат. Жыйынтыгында биринчи орунду №8 түзөтүү мекемеси алган. Ал эми экинчи орунга №27, №16 жана №10 мекемелери татыса, үчүнчү орунду №2, №31, №14 жана №19 мекемелери алышкан.

Жеңүүчү мекемелерге акчалай сыйлыктар тапшырылган. Сыйлык каражаттары соттолгондордун керектүү муктаждыктарына жумшалат.