Өкмөттө күйүүчү май рыногун турукташтыруу боюнча жыйын өттү

Бүгүн, 26-августта президенттин администрациясында өлкөнү күйүүчү-майлоочу материалдар менен үзгүлтүксүз камсыз кылуу маселеси талкууланды.

Маалым болгондой, министрлер кабинетинин төрагасынын биринчи орун басары Данияр Амангелдиев баштаган жетекчилер жыйында күйүүчү майдын жетиштүү көлөмүн камсыз кылуу, бааларды турукташтыруу жана өлкөнүн экономикалык коопсуздугун сактоо боюнча чараларды карашты.

Ошондой эле мунай заттарын ташыган компанияларга мамлекеттик колдоо көрсөтүү маселеси талкууланып, тиешелүү мамлекеттик органдарга бир катар тапшырмалар берилди.