БШК шайлоо тилкелери боюнча жобого өзгөртүү киргизди

Борбордук шайлоо комиссиясы бүгүн, 9-сентябрдагы жыйынында шайлоо округдары менен шайлоо тилкелеринин схемалары жана чек аралары тууралуу токтомго өзгөртүүлөрдү киргизди.

Мекеменин маалымат кызматы кабарлагандай, бир шайлоо тилкесиндеги шайлоочулардын санынын чеги 3000ден 4000ге чейин көбөйтүлөт. Бул талаптарга жооп берген имараттардын жетишсиздигинен улам жаңы шайлоо участокторун ачуу зарылдыгын азайтып, материалдык-техникалык, каржылык ресурстарды сарамжалдуу пайдаланууга, уюштуруучулук жана эмгек акы чыгымдарын оптималдаштырууга шарт түзөт.

Мындан тышкары, калктын санынын өсүшү жана курулуштардын тыгыздыгы эске алынып, шайлоо участокторунун чек араларын аныктоодо жергиликтүү өз алдынча башкаруу органдарына көбүрөөк мүмкүнчүлүк берилет.