Белгилүү ырчы Согдиана Таласка барды 

Белгилүү өзбекстандык ырчы Согдиана Талас шаарына барды. Ырчы айым социалдык тармактагы баракчасына Талас аэропортунда учактан түшкөндөгү видеосун бөлүштү.

Ал бүгүн, 11-сентябрда Талас шаарында Эгемендүүлүк күнүнө арналган концертке катышат.

Жергиликтүү бийликтин маалыматы боюнча, каалада дрондордун шоу-программасы жана фейерверк да уюштурулат.

Буга чейин майрамдык программага Arash, Fly Project, K-Maro, Nana, Hi-Fi, Согдиана жана Кайрат Нуртас сыяктуу белгилүү ырчылар катышары күтүлүп жатканы маалымдалган.