Эрулан Кокулов: "Акыркы учурда өкмөттүн элге кылган мамилеси өзгөрүп жатат"

Бүгүн, 16-сентябрдагы Жогорку Кеңештин жыйынында депутат Эрулан Кокулов өкмөттү сынга алды.

Ал бийлик элге начар мамиле кылууда деген пикирин айтты.

"Акыркы маалда элге кылган мамилеңер өзгөрүп бара жатат. Конституция боюнча, биринчи бийлик эл. Биз элге андай мамиле кыла албайбыз. Чогулуштарда кичине эле туура эмес сүйлөгөн адамдарды милиция бөлүмдөрүнө алып барып, түшүнүк кат жаздырып жатышат. Болбойт да мындай, биз каякка бара жатабыз?",- деди эл өкүлү.