Иран Ормуз кысыгын ачуу шарттарын жарыялады

Иран АКШ Тегерандын талаптарын кабыл алмайынча Ормуз кысыгын кеме каттамы үчүн ачпай турганын билдирди. Бул тууралуу Иран парламентинин (межлис) төрагасы Мохаммад Багер Галибафке таянып чет элдик басылмалар жазышты.

"Бул шарттар аткарылмайынча, иран элинин мыйзамдуу укуктары таанылмайынча жана америкалыктардын милдеттенмелери аткарылмайынча, сүйлөшүүлөрдүн мурдагы шарттарына кайтуу жана Ормуз кысыгын ачуу мүмкүнчүлүгү болбойт", — деп анын сөзүн парламенттин басма сөз кызматы келтирди.

Буга чейин Ирандын Улуттук коопсуздук боюнча жогорку кеңешинин катчысы Мохсен Резаи өлкө бийлиги согушту токтотуу боюнча шарттарын Катар аркылуу АКШга жеткиргенин жана азыр АКШ президенти Дональд Трамптын жообун күтүп жатканын билдирген.

Ормуз кысыгы дүйнөлүк энергетикалык логистикадагы эң маанилүү түйүндөрдүн бири болуп эсептелет.