Өмүрбек Суваналиев президенттик шайлоого катышуу ниетин билдирди

Мурдагы ички иштер министри, саясатчы Өмүрбек Суваналиев 2027-жылы өтө турган президенттик шайлоого талапкерлигин коюуну пландап жатканын билдирди. Бул тууралуу ал "Азаттыкка" берген маегинде айтты.

Суваналиевдин айтымында, президенттик шайлоодо учурдагы мамлекет башчысына атаандаш боло турган талапкер болушу керек. Ал оппозициячыл күчтөрдүн башын бириктирүүгө аракет кыларын белгиледи.

66 жаштагы Өмүрбек Суваналиев буга чейин ички иштер министри, ошондой эле Нарын жана Талас облустарынын губернатору кызматтарын аркалаган. Ал акыркы жылдары бийликти сындаган саясатчылардын бири катары белгилүү.

Жогорку Кеңеш 24-сентябрда кезектеги президенттик шайлоону 2027-жылдын 27-январында өткөрүү чечимин кабыл алды.