Ташкентте Technovation 2026 эл аралык конференциясы өттү

30-сентябрда Өзбекстандын Ташкент шаарында TECHNOVATION 2026 эл аралык конференциясы өттү. Иш-чарада илим, технология, инновация, инвестиция жана жаңы технологияларды жөнгө салуу маселелери талкууланды.

Конференция JW Marriott Tashkent мейманканасында өтүп, ага Өзбекстандын мамлекеттик органдарынын өкүлдөрү, эл аралык эксперттер, илимпоздор, бизнес өкүлдөрү жана Philip Morris International компаниясынын жетекчилиги катышты.

TECHNOVATION — илим жана технологияларга арналган эл аралык аянтча. Быйылкы иш-чарада инновацияларды өнүктүрүү, инвестиция тартуу, бизнес трансформациясы, жаңы категориядагы товарларды жөнгө салуу жана керектөөчүлөрдүн укуктарын коргоо маселелерине көңүл бурулду.

Конференцияны Philip Morris International компаниясынын Түштүк Азия, Индокытай жана КМШ аймагы боюнча президенти Марко Мариотти ачты.

Анын айтымында, ири эл аралык компаниялардын өлкөдө иш алып баруусу жаңы инвесторлорду тартууга өбөлгө түзөт. Компаниялар өз тажрыйбасы менен бөлүшүп, чет өлкөлүк өнөктөштөргө өлкөдөгү инвестициялык мүмкүнчүлүктөрдү баалоого жардам бере алат.

Иш-чаранын ачылышында Өзбекстандын Дүйнөлүк соода уюмуна кошулуу боюнча башкы сүйлөшүүчүсү, президенттин ДСУдагы өкүлү Азизбек Урунов жана Инвестициялар, өнөр жай жана соода министринин орун басары Акрам Алиев да сөз сүйлөдү.

Инновация жана инвестиция

Конференциянын программасында «Инновациялык трансформацияга инвестициялар» аттуу сессия да өттү. Ага Өзбекстандын энергетика, IT, суусундук өндүрүшү жана илим тармактарынын өкүлдөрү катышты.

«Yashil Energiya» биргелешкен ишканасынын башкы директору Нодирбек Насретдинов аталган панелде сөз сүйлөдү. Сессияга ошондой эле EPAM Uzbekistan, The Coca-Cola Company Uzbekistan жана Өзбекстандын Улуттук илимдер академиясынын өкүлдөрү катышкан.

Coca-Cola сууну үнөмдөөгө басым жасайт

Конференцияда The Coca-Cola Company Uzbekistan компаниясынын башкы директору Казумаса Мукаэ өндүрүштө ресурстарды натыйжалуу пайдалануу тууралуу айтып берди.

Анын айтымында, компаниянын глобалдык максаттарынын бири — суусундуктун ар бир литрин өндүрүүгө керектелген суунун көлөмүн азайтуу, ал эми PMI түтүнсүз келечекке умтулууда.

«Биздин түтүнсүз келечек тууралуу милдеттемебиз дүйнөнүн бардык өлкөлөрүнө жайылды. Менин оюм боюнча, эң оңойу — техникалык чечимди таап, өндүрүштү жолго коюу. Бирок бүтүндөй уюмга таасир эте турган мындай масштабдуу өзгөрүүлөр болгондо, бизнес-моделди толугу менен кайра карап чыгууга туура келет. Кеп, бул тармакка көнүп калган, өнүгүүсү инновациялар жана илим менен аныкталган адамдар тууралуу болуп жатат. Ошондуктан биз буга өзгөчө көңүл бурдук. Биз бул инновациялардын илимий негизин терең изилдөө үчүн дүйнө жүзү боюнча он жылдан ашык убакыт жана 16 миллиард доллардан ашык каражат жумшадык. Келечек кандай болот? Биз керектөөчүлөрдүн муктаждыктары кантип өзгөрүп жатканын көрүп жатабыз.

Биз керектөөчүлөр аң сезимдүү тандоо жасай алышы үчүн, аларга инновациялык өнүмдөрдү сунуштоо туура, деп эсептейбиз», - дейт KZ & CAS Philip Morris башкаруучу директору Омар Абделлатиф.

Мукаэ инновацияларды жаңы даамдарды жана продукцияларды иштеп чыгуу менен гана чектөөгө болбой турганын белгиледи. Анын пикиринде, өндүрүш процесстерин өркүндөтүү жана ресурстарды натыйжалуу пайдалануу да инновациянын маанилүү бөлүгү болуп саналат.

Ал инновацияларды өнүктүрүү үчүн мамлекеттин колдоочу саясаты, адистерди өнүктүрүүгө инвестиция салуу жана керектөөчүлөрдүн муктаждыктарын түшүнүү маанилүү экенин белгиледи.

Илим жана коомдук саламаттык

Конференциянын дагы бир багыты илимий изилдөөлөргө жана коомдук саламаттыкка байланыштуу болду.

Эксперттер тамеки тартуунун адамдын ден соолугуна тийгизген таасирин, алдын алуу чараларын жана илимий негизделген ыкмаларды талкуулашты. Ошондой эле жаңы технологиялар жана аларды жөнгө салуу боюнча эл аралык тажрыйба каралды.

TECHNOVATION конференциясынын алкагында бизнес, мамлекет, илимий чөйрө жана эл аралык эксперттердин ортосунда тажрыйба алмашуу жүргүзүлүп, технологиялардын экономиканы өнүктүрүүдөгү ролу талкууланды.