Окуучулар Соң-Көлдүн жаратылышын коргоого киришти (видео)

Нарындын Кочкор районундагы Төлөк айылында Соң-Көлдүн канаттууларын жана суу-саздак жерлерин коргоого арналган экологиялык фестиваль өттү. Бул тууралуу бүгүн, 21-октябрда Жаратылыш ресурстары, экология жана техникалык көзөмөл министрлиги билдирди.

Маалыматка караганда, "Соң-Көл куштарын бирге сактайлы" аталышындагы фестивалда экологиялык көргөзмө, жергиликтүү продукциялардын жарманкеси жана окуучулар арасында сынактар уюштурулду. Иш-чарага Соң-Көл орто мектебинин 7-9-класстарынын окуучулары катышты.

Иш-чаранын жыйынтыгында катышуучулар Соң-Көлдүн жаратылышын коргоо боюнча биргелешип иш алып барууну макулдашканы кошумчаланды.