Супер-Инфо
super.kg видео
Сот мурдагы чекисттерди үй камагына чыгарды
Мурдагы саламаттык сактоо министри, УКМКнын Жалал-Абад облустук башкармалыгынын мурдагы жетекчиси Каныбек Досмамбетов СИЗОдон бошотулуп, үй камагына чыкты. Аны менен кошо УКМК төрагасынын мурдагы биринчи орун басары Курванбек Авазов да бошотулду. Бул тууралуу бүгүн, 26-октябрда Бишкек шаардык сотунун басма сөз кызматы билдирди.Маалыматка ылайык, Биринчи Май райондук сотунун 22-октябрдагы токтому менен Досмамбетовдун баш коргоо чарасы өзгөртүлдү. Анын негизинде мурда колдонулган камакка алуу чарасы 9-ноябрга чейин үй камагына алмаштырылды.
Ал эми Авазов болсо 22-ноябрга чейин үй камагында болот.
Эскерте кетсек, буга чейин Башкы прокуратура алар ишкерден ири көлөмдө пара алууга жана кызмат абалынан кыянаттык менен пайдаланууга шектелип кармалышканын билдирген. 10-октябрда Биринчи Май райондук соту аларды бир айга камакка алган болчу.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
12:31
2026-10-22
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.